السلام عليكم ورحمة الله وبركاته
بسم الله الرحمن الرحيم
الى اعضاء المنتدى وموقع اغا
وقع فى يدى اعلان وانا فى زيارة لاحدى المستشفيات فقرأته واعجبت بالكلمات الموجوده بداخله فأردت ان انقله اليكم لقرائته وهذه هى صيغة الاعلان
هو احنا هننتخب رئيس ؟
أه.
متأكد ان احنا اللى هننتخبه ؟؟؟
ايوة يا عم.
طب المجلس العسكرى وامريكا هيسيبونا كده ننتخب اى واحد حتى لو كان ضد مصالحهم ؟؟؟؟؟؟؟؟؟
طبعا لا هما مجانين.
يبقى هيلعبو فى الصناديق ؟؟
طبعا لا ميقدروش معادش ينفع الناس مش هتسبهم.
أمال ايه؟
هيلعبو فى دماغنا ويوهمونا اننا محتاجين ريس تفصيل ميزعلش حد وطبعا ده بقى اسمه التوافقى اللى مبيقولش لا.
يبقى نعمل ايه ؟
منسمحش لحد يلعب فى دماغنا وندور على مصلحة بلدنا بما يرضى الله.
ايوة يعنى مين حلو يعنى ؟
مفيش حلو ووحش فى مواصفات تدور عليها .
زى ايه ؟
بص يا سيدى دور على ريس يكون ماشتغلش مع النظام اللى الفات ابدا.
طب ما يمكن اشتغل معاهم وكان نضيف؟
مفيش مانع بس كان عارف ان فى سرقه وفساد وخيانه وساكت ومانسحبش ولا حتى اعترض بكلمة وكمان اتعود على طريقة شغلهم اللى انت فاهمها.
طب ايه تانى ؟
اختار ريس ميكونش طرطور ( قصدى توافقى ؟ منظر ع الفاضى وخلاص.
وايه تانى؟
الصرحة والصدق والانتماء للناس والبلد بس ملوش دعوة بامريكا ولا الاحزاب ولا الجماعات يعنى بتاعنا كلنا فاهم دينه ومخلص
وفاهم سياسه وعنده برنامج يصلح البلد
عنده برنامج اقتصادى ينمى البلد
حاسس بالناس وعايش وسطهم وبيتكلم زيهم
زى مين يعنى ؟؟؟؟
فكر وانت تلاقيه واضح صريح لا ينتمى لحزب ولا جماعه حاسس بألام الناس بيتكلم بلسانهم مشتغلش ف النظام اللى فات عايز يطبق الشريعه بس على قد استحمال الناس والبلد يعنى بعقل قراره من دماغه يعنى مبيسمعش لحزب ولاجماعه ولا دولة تانيه تاريخه معروف ومشرف ومبيقدرش حد يشك فيه .
طب وضح شويه ؟؟
هنا حاطط اسم الناخب وكمل وبيقول .... فى قراراته تشوفه تحس الصلاح ومن الاخر ريس بتاعنا كلنا مش بتاع اخوان ولا بتاع سلفيين لوحدهم - المسيحيين بيقولو عنه راجل وشه زى ضهره والليبراليين احترمو موقفه والاخوانى يقولك متربى ف وسطينا والسلفى يقولو ده واحد مننا
مع تحيات / ولاد ابو اسماعيل